Fiare Banca Etica lanza unha convocatoria para apoiar a creación e fortalecemento de Comunidades Enerxéticas, promovendo a transición cara a un modelo enerxético xusto e sostible. Este programa busca consolidar redes de colaboración entre os socios da entidade e estas comunidades, impulsando proxectos que loiten contra o cambio climático e promovan un impacto social positivo nos territorios.
As Comunidades Enerxéticas seleccionadas recibirán axudas económicas que oscilan entre os 500 e os 3.000 euros, en función das súas necesidades e propostas. En total destinaranse 14.000 euros a dito fin. Ademais, as comunidades poderán acceder a recursos adicionais como o Programa La Colmena, que ofrece apoio técnico e a posibilidade de recibir achegas de capital, e o Programa de Accións para Xóvenes, destinado a fomentar a participación dos mozos socios nestas iniciativas.
A convocatoria estará aberta do 10 de xaneiro ao 10 de febreiro de 2025. As comunidades interesadas deberán enviar a súa solicitude. Posteriormente, os grupos territoriais de Fiare (GIT) seleccionarán os proxectos máis destacados, priorizando aqueles que inclúen xestión sostible, traballo en rede, perspectiva de xénero, inclusión social e participación xuvenil. Os resultados anunciaranse antes do 20 de marzo e os proxectos seleccionados comezarán a executarse a partires do 1 de abril de 2025.
Con esta iniciativa queremos reafirmar o noso compromiso coa sustentabilidade, a economía social e o coidado do medio ambiente. Se queres máis información ou tes dúbidas, aquí atoparás toda a información.
Promovamos xuntos un futuro máis sostible!
Foto de Freepik
